जुवातास खेलिरहेका ९ जना तीन लाख नगदसहित पक्राउ

जुवातास खेलिरहेका ९ जना तीन लाख नगदसहित पक्राउ

१६ साउन, भक्तपुर। चाँगुनारायण नगरपालिका-९ फैढोकास्थित सरोज थापाले कुखुरापालनका लागि बनाएको टहरामा जुवातास खेलिरहेका नौ जनालाई प्रहरीले पक्राउ गरेको छ।

महानगरीय प्रहरी परिसर भक्तपुरबाट प्रहरी निरीक्षक भगवती तिमिल्सेनाको नेतृत्वमा हिजो साँझ खटिएको टोलीले टहरोभित्र जुवातास खेलिरहेको अवस्थामा तीन लाख ३८ हजार ३४५ रूपैयाँसहित उनीहरूलाई पक्राउ गरेको हो।

महानगरीय प्रहरी परिसरका प्रहरी नायब उपरीक्षक दीपक गिरीका अनुसार पक्राउ पर्नेमा काभ्रेपलाञ्चोक मण्डनदेउपुर नगरपालिका(५ घर भई हाल भक्तपुर कमलविनायक बस्ने ३९ वर्षीय सागर लामिछाने, काभ्रेपलाञ्चोक चौरी देउराली गाउँपालिका(२ घर भई हाल भक्तपुर कमलविनायक बस्ने ४० वर्षीय श्याम शाक्य, रामेछाप दोरम्बा गाउँपालिका(३ घर भई हाल काठमाडौँ सुन्धारा बस्ने २९ वर्षीय सुमन श्रेष्ठ, ओखलढुङ्गा खिजीकाती गाउँपालिका(९ घर भई हाल भक्तपुर ब्यासी बस्ने ३९ वर्षीयको आशिष खत्री, काभ्रेपलाञ्चोक बनेपा नगरपालिका(९ घर भएका ४७ वर्षीय दानबहादुर सुवाल, रामेछाप दोरम्बा गाउँपालिका(४ घर भई हाल कमलविनायक बस्ने २९ वर्षीय चेतबहादुर थापा मगर रहेका छन् ।

त्यसैगरी काभ्रे चौरीदेउराली गाउँपालिका(३ घर भई हाल काठमाडाँ बानेश्वर बस्ने २९ वर्षीय समीर तामाङ, मकवानपुर हेटौँडा उपमहानगरपालिका( १८ घर भई हाल भक्तपुर लोकन्थली बस्ने ३३ वर्षीय कृष्णबहादुर मोक्तान र रामेछाप दोरम्बा गाउँपालिका(३ घर भई हाल काठमाडौँ ठूलो भर्‍याङ बस्ने २८ वर्षीय नारायण थापा मगर पक्राउ परेका छन्। रासस

Loading
TOP