राजनीतिक संक्रमणकालको अन्त्यपछि मुलुक विकास र समृद्धिको यात्रामा: प्रधानमन्त्री

राजनीतिक संक्रमणकालको अन्त्यपछि मुलुक विकास र समृद्धिको यात्रामा: प्रधानमन्त्री

२५ साउन, काठमाडौं। प्रधानमन्त्री केपी शर्मा ओलीले राजनीतिक संक्रमणकालको अन्त्य गरेपछि मुलुक विकास र समृद्धिको यात्रामा अग्रसर रहेको बताएका छन्।

२६औं विश्व आदिवासी दिवसका अवसरमा आज शुभकामना सन्देश दिँदै प्रधानमन्त्री ओलीले दशकौँ लामो राजनीतिक संघर्षबाट प्राप्त उपलब्धिलाई संवैधानिकरूपमा सुरक्षित गरी राजनीतिक संक्रमणकालको अन्त्य गरेपछि मुलुक विकास र समृद्धिको यात्रामा अगाडि बढेको बताए । ‘दशकौं लामो राजनीतिक संघर्षबाट प्राप्त उपलब्धिलाई संवैधानिक रुपमा सुरक्षित गरी राजनीतिक संक्रमणकालको अन्त्य गरेपछि हाम्रो मुलुक विकास र समृद्धिको यात्रामा अग्रसर छ’, प्रधानमन्त्रीले सन्देशमा भनेका छन्, ‘नेपाललाई समृद्ध र नेपालीलाई सुखी बनाउने संकल्पसाथ समृद्ध नेपाल–सुखी नेपालीको राष्ट्रिय आकाब्क्षा हामीले तय गरेका छौं ।’

प्रधानमन्त्रीले नेपालको संविधान र प्रचलित कानूनअनुसार आदिवासी जनजातिको सामाजिक, आर्थिक, सांस्कृतिक, भाषिक, कला, साहित्य एवं सीप आदिको उत्थान र विकास गरी उनीहरूलाई राष्ट्रिय जीवनको विभिन्न पक्षमा पहुँच र प्रतिनिधित्वको सुनिश्चितासँगै आर्थिक समानतासहितको समतामूलक समाज निर्माण गर्न सरकार निष्ठापूर्वक सक्रिय रहेको उल्लेख गरेका छन्।

सरकारको यस उद्देश्यलाई सफल पार्न आ-आफ्नो ठाउँबाट सक्रिय रहन सन्देशमार्फत उनको आग्रह छ । ‘समृद्ध नेपाल–सुखी नेपालीको राष्ट्रिय आकाब्क्षा सफल बनाउन सम्पूर्ण समुदायलाई समान अवसर, सुरक्षा, न्यायको प्रत्याभूति गर्ने नीति राज्यले लिएको छ । नेपालको संविधान र प्रचलित कानुन अनुसार सम्पूर्ण आदिवासी जनजातिहरुको सामाजिक, आर्थिक, सांस्कृतिक, भाषिक, कला, साहित्य एवं सीप आदिको उत्थान र विकास गरी उनीहरुलाई राष्ट्रिय जीवनको विभिन्न पक्षमा पहुँच र प्रतिनिधित्वकोसुनिश्चितासँगै आर्थिक समानता सहितको समतामूलक समाज निर्माण गर्न सरकार निष्ठापूर्वक सक्रिय रहेको छ । सरकारको यस उद्देश्यलाई सफल पार्न आ–आफ्नो ठाउँबाट सक्रिय रहन म सबैमा हार्दिक आह्वान समेत गर्दछु’, प्रधानमन्त्रीले सन्देशमा उल्लेख गरेका छन् ।

प्रधानमन्त्री ओलीले विश्वव्यापी महामारीका रूपमा फैलिएको कोरोनाले सिर्जना गरेको परिस्थितिलाई मध्यनजर गर्दै यसपटक यस पर्वलाई रचनात्मक एवं सुरक्षित तवरले मनाउनुपर्ने बाध्यता रहेको समेत बताए।

प्रधानमन्त्री ओलीले नेपाललाई समृद्ध र नेपालीलाई सुखी बनाउने सङ्कल्पसाथ समृद्ध नेपाल, सुखी नेपालीको राष्ट्रिय आकाङ्क्षा सरकारले तय गरेका उल्लेख गर्दै यस्तो बेला विश्वव्यापीरूपमा फैलिएको कोभिड-१९ को महामारीले नेपाललगायत विश्वमै स्वास्थ्य, सामाजिक र आर्थिक जीवनमा चुनौती खडा भएको बताएका छन्।

“विश्वसामु खडा भएको यस चुनौतीलाई सामना गर्दै हामी राष्ट्रको आकाङ्क्षा पूरा गर्ने दिशामा अग्रसर छौँ”, प्रधानमन्त्रीको सन्देशमा भनिएको छ, “समृद्ध नेपाल, सुखी नेपालीको राष्ट्रिय आकाङ्क्षा सफल बनाउन सम्पूर्ण समुदायलाई समान अवसर, सुरक्षा, न्यायको प्रत्याभूति गर्ने नीति राज्यले लिएको छ।”

साथै प्रधानमन्त्री ओलीले २६ औं विश्व आदिवासी दिवसका अवसरमा नेपाल लगायत विश्वभरका सम्पूर्ण आदिवासी जनजातिहरुमा शुभकामना समेत व्यक्त गरेका छन् । ‘२६ औं विश्व आदिवासी दिवसका अवसरमा नेपाल लगायत विश्वभरका सम्पूर्ण आदिवासी जनजातिहरुमा हार्दिक शुभकामना व्यक्त गर्दछु । संसारभर रहेका आदिवासी जनजातिहरुले विशेष उत्सवका रुपमा मनाउने यस दिवसका अवसरमा स्वदेश तथा विदेशमा रहनु भएका दिदीबहिनी तथा दाजुभाइहमा सुस्वास्थ्य, दीर्घायु तथा उत्तरोत्तर प्रगतिको कामना गर्दछु’, प्रधानमन्त्रीले सन्देशमा भनेका छन् ।

Loading
TOP