चितवनमा कोरोना संक्रमणबाट थप एक जनाको मृत्यु

चितवनमा कोरोना संक्रमणबाट थप एक जनाको मृत्यु

७ भदौ, भरतपुर। चितवनमा कोरोनाभाइरस सङ्क्रमणबाट थप एक जनाको मृत्यु भएको छ। भरतपुर–१० स्थित पुरानो मेडिकल कलेजमा उपचाररत मकवानपुरको हेटौँडा उपमहानगरपालिका–३ निवासी ६५ वर्षीया महिलाको हिजो साँझ ७ स्२६ बजे मृत्यु भएको हो।

ती महिलाको मृत्यु भएसँगै हिजो साँझ कोरोना रिपोर्ट पोजिटिभ आएको भरतपुर अस्पतालका सूचना अधिकारी लीलाधर पौडेलले बताए। महिलाको पुरानो मेडिकल कलेजबाट भदौ १ गते नै स्वाब सङ्कलन गरी परीक्षणका लागि भरतपुर अस्पताल कोभिड–१९ प्रयोगशाला पठाइएको थियो तर रिपोर्ट नआउँदै महिलाको साँझ मृत्यु भएको हो।

कलेजोसम्बन्धी उपचारका लागि ती महिलालाई गत साउन ३२ गते पुरानो मेडिकल कलेजमा भर्ना गरिएको थियो। उनको शल्यक्रिया गर्नुअघि भदौ १ गते नै स्वाब सङ्कलन गरी परीक्षणका लागि प्रयोगशाला पठाइएको थियो। यस्तै सोही अस्पतालमा बिहीबार राति निधन भएका हेटौँडाका ७५ वर्षीय पुरुषको पनि हिजो बिहान कोरोना सङ्क्रमण पुष्टि भएको थियो।

Loading
TOP