ओलीले कम्युनिष्ट आन्दोलनलाई सिध्याउन खोजे – माधवकुमार नेपाल

२९ पुस,  काठमाडौँ । नेपाल कम्युनिष्ट पार्टी (नेकपा) का अध्यक्ष माधवकुमार नेपालले केपी शर्मा ओलीले कम्युनिष्ट आन्दोलनलाई सिध्याउन खोजेको आरोप लगाएका छन् ।

प्रचण्ड-नेपाल पक्षको काठमाडौँ जिल्लास्तरीय बृहत कार्यकर्ता भेलालाई सम्बोधन गर्दै अध्यक्ष नेपालले ओली सिध्दिन लागेको बताएका छन् ।

आफुहरु अहिले नागरिक जिम्मेवारी र कम्युनिष्ट कर्तव्यका लागि सडकमा उत्रिएको बताउदै ओली गुट भ्रष्ट्र बाटोमा भएको नेपालले बताए ।

ओली गुटले अहिले भ्रम फैलाइरहेको भन्दै यसको एक एक रेकर्ड राखेर जवाफ दिनुपर्ने नेपालले बताए ।

नेपालले ओलीका हरेक अभिव्यक्तिको विश्लेषण गर्दा कम्युनिष्ट पार्टीको नेताले यस्तो कसारी बोल्न सक्छ भन्ने निष्कर्ष निस्किने बताए ।

ओली कम्युनिष्ट नभएको बताउदै नेपालले वामदेवले एक समयमा ओलीमा कम्युनिष्टको कुनै गुण नभएको बताएको स्मरण गरेको उल्लेख गरेका थिए ।

अध्यक्ष नेपालले ओली सुध्रिने मान्छे नभएको भन्दै उनी कहिल्लै नझुक्ने दाबि गरे । उनीमा निरंकुश र सर्बसत्तावाद हावी भएको आरोप लगाउदै सरकार चलाउदा पनि मन्त्रीको अधिकार खोसेर सचिवबाट काम गर्ने गरेको उनले बताए ।

अहिले संबिधानका मुल्य र मान्यतामाथि प्रहार भएकोले यसका विरुद्ध दृढ भएर उभिनुपर्ने बताउदै ओलीले ज्ञानेन्द्रले गरेको जस्तो ‘कू’ गरेको बताए ।

अहिलेको लडाई लोकतन्त्र जोगाउने की मास्ने भन्ने बिचको भएको भन्दै अध्यक्ष नेपालले विभिन्न आन्दोलनले स्थापित गरेका उपलब्धिलाई जोगाउन लाग्नुपर्ने बताए ।