संविधान संशोधनप्रति ईश्वर पोखरेल असन्तुष्ट

संविधान संशोधनप्रति ईश्वर पोखरेल असन्तुष्ट

१३ फागुन, काठमाडौं । सत्तारुढ नेकपाभित्र संविधान संशोधनको बहस सुरु भएको छ । माधव नेपालको संयोजकत्मा कार्यदल गठन गरिएको कुरा पनि आएको छ । तर कार्यदल गठन गरिएको कुरा कतिपय नेताले अस्वीकार गर्दै आएका पनि छन् ।

खासमा संविधान संशोधन वामदेव गौतमलाई प्रधानमन्त्री बनाउनका लागि भनिएको छ । गौतमलाई राष्ट्रियसभा सांसद बनाएर प्रधानमन्त्री बन्ने बाटो खोल्न संविधान संशोधन गर्ने नेकपाको प्रयासको चर्को विरोध हुँदै आएको छ । कार्यदलका सदस्य तथा पूर्व सभामुख सुवास नेम्वाङ र अर्का सदस्य खिमलाल देवकोटाले के का लागि संविधान संशोधन भन्दै कार्यदलमा बस्न अस्वीकार गरिसकेका छन् ।

संशोधनको उपप्रधान तथा रक्षामन्त्री ईश्वर पोखरेलले पनि विरोध जनाएका छन् । मन्त्री पोखरेलले सामाजिक सञ्जाल ट्वीटरमार्फत असन्तुष्टि पोखेका छन्।


यता पार्टीको भातृ संगठनले पनि संविधान संशोधनको विरोध गर्दै त्यसकाविरुद्ध सशक्त रुपमा उभिने घोषणा गरिसकेको छ । 
 

Loading
TOP