अध्यादेश विरुद्ध आन्दोलनको घोषण गर्न सभापति देउवालाई दबाब

अध्यादेश विरुद्ध आन्दोलनको घोषण गर्न सभापति देउवालाई दबाब

१० वैशाख, काठमाडौं । नेपाली कांग्रेसका ११ केन्द्रीय सदस्यहरुले शासन सन्चालनको वैधता सरकारले गुमाइसकेको ठहर गर्दै प्रतिरोध आन्दोलन गर्नु पर्ने बताएका छन् ।

आन्दोलनबारे ठोस निर्णय लिन अलिवम्ब केन्द्रीय समिति बैठक बोलाउन उनीहरुले पार्टी सभापति शेरबहादुर देउवासँग माग पनि गरेका छन् ।

कांग्रेस केन्द्रीय सदस्यहरु चन्द्र भण्डारी, कमला पन्त, धनराज गुरुङ्ग, रत्ना शेरचन, गगन कुमार थापा, बद्री पाण्डे, जीवन परियार, गुरुराज घिमिरे, प्रदिप पौडेल, रामकृष्ण यादव र सरिता प्रसाइले बुधबार संयुक्त विज्ञप्ति निकालेर तत्काल केन्द्रीय समितिको बैठक बोलाउन माग गरेका हुन् ।

कोरोनाको महामारीको बेला सरकारले हालै ल्याएको दुई अध्यादेश औचित्यहीन रहेको र यसबाट सरकारको बदनियत देखिएको उनीहरुको ठहर छ ।
कांग्रेस केन्द्रीय सदस्यहरुले ती अध्यादेशहरु फिर्ता लिन वा प्रतिरोध आन्दोलनको परिणाम भोग्न तयार हुन सरकारलाई चेतावनी दिएका छन् ।

Loading
TOP