लकडाउनको मौका छोपेर सर्लाहीमा वन फँडानी तीब्र

लकडाउनको मौका छोपेर सर्लाहीमा वन फँडानी तीब्र

१५ वैशाख, सर्लाही । लकडाउन शुरु भएयता जिल्लाको सागरनाथ वन विकास परियोजनाको क्षेत्रबाट मात्रै दैनिक सयौँ रुख कटान हुन थालेको छ।

वन विकास परियोजनाका तत्कालीन प्रमुख देवेशमणि त्रिपाठीको पदोन्नति भएर परियोजना छोडेपछि परियोजना प्रमुखविहीन छ। परियोजना प्रमुख नभएको मौका छोपेर वन तस्कर तथा परियोजनाकै केही कर्मचारीको मिलोमतोमा रुख कटान भइरहेको कर्मचारीले बताएका छन्। नयाँ रुख कटानका साथै गोदाममा काटेर राखेको एक लाख घनफिट काठ चोरी भइसकेको एक कर्मचारीले बताए।

सर्लाहीका प्रमुख जिल्ला अधिकारी मोहनबहादुर जिसीले कोरोना भाइरस नियन्त्रणमा लागिरहेको समयमा तस्कर चोरी शिकारमा लागिपरेको हुन सक्ने बताए। उनले तस्कर नियन्त्रणका लागि सुरक्षाकर्मी परिचालन गरिने बताए।

छिमेकी जिल्ला सिन्धुलीबाट समेत तस्करले चोरी गरेका काठ सर्लाहीको लालबन्दी, हरिवन, वाग्मती तथा फुलजोरको भित्री बाटो हुँदै जिल्लाका विभिन्न स्थानका चिरान मिलका साथै छिमेकी देश भारतका विभिन्न बजारमा समेत पु¥याउने गरेका छन्।

लकडाउनको समयमा वन कर्मचारीको वन गस्ती कम हुने र मानिसको समेत आवतजावत कम हुने गरेका कारण पनि वन तस्कर थप सक्रिय भएका छन्।

Loading
TOP