नेपालको वरीयता यथावत

नेपालको वरीयता यथावत

१९ वैशाख, काठमाडौं। अन्तर्राष्‍ट्रिय क्रिकेट परिषद् (आईसीसी) ले शुक्रबार निकालेको वरियताअनुसार नेपाल एकदिवसीय अन्तर्राष्‍ट्रियमा १६औं स्थानमा छ भने ट्वान्टी-२० अन्तर्राष्‍ट्रिय वरियताको १५औं स्थानमा छ। यसको मतलव नेपाली क्रिकेट टिमको वरियतामा कुनै परिवर्तन भएको छैन।

नेपालले १८ रेटिङ अंक पाएको छ । एसोसियट राष्ट्रमा नेपाल भन्दा अघि ओमान, स्कटल्याण्ड र नेदरल्यान्ड्स रहेका छन् । एकदिवसीयमा इंग्ल्यान्ड शीर्ष, भारत दोस्रो, न्युजिल्याण्ड तेस्रो, दक्षिण अफ्रिका चौंथो र अष्ट्रेलिया पाँचौं स्थानमा रहेका छन् ।

यस्तै टी-ट्वान्टीमा नेपाल १५ औं स्थानमा रहेको छ । नेपालले १ सय ८० रेटिङ अंक पाएको छ । नेपालको टी-ट्वान्टीमा ११ औं सर्वाधिक उच्च वरीयता हो । एसोसियट राष्ट्रमा नेपाल भन्दा अघि स्कटल्याण्ड र युएई रहेका छन् ।

टी-ट्वान्टी वरियताको शीर्ष स्थानमा अष्ट्रेलिया रहेको छ । यस्तै इंग्ल्यान्ड दोस्रो, भारत तेस्रो, पाकिस्तान चौंथो र दक्षिण अफ्रिका पाँचौ स्थानमा रहेका छन् ।

Loading
TOP