नेपालमा संक्रमित १३४ जना, ३३ जना निको

नेपालमा संक्रमित १३४ जना, ३३ जना निको

३० वैशाख, काठमाडौं । नेपालमा थप १३ जनामा कोरोना संक्रमण पुष्टि भएको छ । कपिलवस्तुमा ६, रुपन्देहीमा ६ र बर्दियामा १ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ । यो सँगै सोमबार साँझ १३ जनामा पुष्टि भएपछि नेपालमा कोरोना संक्रमितको संख्या १३४ पुगेको छ ।

राष्ट्रिय जनस्वास्थ्य प्रयोगशाला टेकुमा गरिएको परीक्षणमा कोरोना संक्रमण पुष्टि भएको मन्त्रालयका सहप्रवक्ता डा। समीरकुमार अधिकारीले जानकारी दिए । सहप्रवक्ता अधिकारीका अनुसार संक्रमितमध्ये कपिलवस्तुको यशोधरा गाउँपालिका(८ र बुद्धभूमि नगरपालिका(७ निवासी १५, १९, २३, ३०, ३२ र ३८ वर्षीय पुरुष छन्।

यसैगरी, रुपन्देहीको समरीमाई गाउँपालिका(७ र लुम्बिनी संस्कृतिक गाउँपालिका(६ निवासी २४, २६, २७, ३०, ३२ र ४० बर्षीय पुरुष तथा बर्दियाको राजापुर(५ निवासी ११ वर्षीय बालिका छन्। उनीहरू सबैको स्वास्थ्य अवस्था सामान्य रहेको र सबै स्वास्थ्यकर्मीको सम्पर्कमा रहेका डा‍। अधिकारीले बताए ।

आज बिहान मात्रै कपिलवस्तुमा १० जना संक्रमित थपिएका थिए। यसैगरी आजै सप्तरीमा १८ वर्षीय युवकमा संक्रमण पुष्टि भएको थियो। योसँगै नेपालमा आज मात्रै २४ जना संक्रमित थपिएका छन्।

संक्रमित १३४ जनामध्ये ३३ जना निको भएर घर फर्किसकेका छन्।

Loading
TOP